УНИВЕРСИТЕТ КҮНДЕРІ АЯСЫНДА ҰЙЫМДАСТЫРЫЛҒАН ШАРА

Желтоқсан айының 4-і күні «Денсаулық сақтаудағы және фармациядағы экономика» модулінің ұйымдастыруымен Университет күндеріне арналған жоғарғы оқу орындарының студенттерінің арасында  «Әлемдік дағдарыстың Қазақстан экономикасына әсері» атты   С.Ж Асфендиаров атындағы ҚазҰМУ-де дөңгелек үстел өткізілді. Аталған іс-шараға ҚазҰМУ студенттерімен қоса, Т.Рысқұлов атындағы ҚазЭУ, UIB және Қазақстан-Ресей медициналық университетінің студенттері қатысты.

Дөнгелек үстел барысында Қазақстан экономикасына әсер ететін  мәселелерге баяндама оқылып, сұрақтар қойылып, шешу жолдары талқыланды. Дөнгелек үстел 3 бөлім бойынша жүрді. 1бөлімде атай кететін болсақ, Т.Рысқұлов ат.ҚазЭУ студенті Тыныштық Айдананың «Кеден Одағы аясындағы Қазақстанның негізгі мәселері» және UIB университетінің студенті Толеукулова Диянаның  «Қазақстан кедендік одақта, қазіргі жағдайы және даму болашағы» атты тақырыптарда, Қазақстан, Ресей, Беларус елдеріндегі Одақтың тиімді жақтары және тиімсіз тұстары айтылып кетті.Осы бөлімде  Т.Рысқұлов ат.ҚазЭУ студенті Андасбаева Ботагөздің «Қазақстанның ДСҰ-на кіруі. Азақ түлік мәселесі» қарастырылды. Сонымен бірге Ботагөз Қазақстанның сауда бренді ретінде құртты алуымызды ұсынып кетті.АҚШ еліндегі coco-cola сияқты, құртты Қазақстан сауда брендіне айналдырып,бүкіл әлемге танытайық  деп,құртты өндіріске түсіру айтылды . Сонымен бірге UIB университетінің студенті Аубакирова Жанерке «ҚР ауыл шаруашылығын дамыту жолдары» тақырыбында баяндама оқып, өз ұсынысы ретінде ауыл шаруашылығын дамытуда шағын және орта бизнеске көңіл бөлуге мән берді. Ауыл шаруашылығымен айналысатын шағын және орта бизнес өкілдерін қолдауды ұсынды. 1-ші бөлім бойынша «Денсаулық сақтаудағы және фармациядағы экономика» модулінің оқытушысы Сериева Жанар ой қортындылады.

2 бөлімде Т.Рысқұлов ат.ҚазЭУ студенттері Талғатқызы Жансая мен Терекбай Айнұр «Еңбек нарығының тиімділігі мен бәсекеге қабілеттілігін талдау» тақырыбында  баяндама оқыды. Ал С.Ж.Асфендиаров ат.ҚазҰМУ студенті Әскербек Айгерім «ҚР жұмыссыздық мәселесі» тақырыбында баяндама жасады. Осы бөлімде С.Ж.Асфендиаров ат.ҚазҰМУ студенті Шарапиева Үміт «Жастарды жұмыспен қамту» баяндамасы барысында жастар арасындағы жұмыссыздықтың барлық елдердегі мәселе екендігін және жастарды жұмыссыздығының бірден бір мәселесі тәжірибе жоқ болуы екені айтылды. С.Ж.Асфендиаров ат.ҚазҰМУ студенті Майдан Айман «Состояние и проблемы рынка труда РК в условиях мирового кризиса» тақырыбында баяндама жасап, өз пікірін білдірді. Бұл бөлім бойынша «Денсаулық сақтаудағы және фармациядағы экономика» модулінің оқытушысы Аязбаева Гүлнұр өз  пікірін білдіріп кетті.

3 бөлімде  Сапарова Тоғжан «ҚР денсаулық сақтау жүйесінің негізгі мәселелері» атты баяндамасында ҚР-да «Денсаулық», «Жәрдем» поездері бар екендігі, бірақ темір жол жоқ аймақтарда  бұл шара іске аспай отырғанын атап өтті. Осы мәселеге орай ол ұсыныс ретінде ҚР-да жедел жәрдем ретінде,шалғай аудандарға қатынайтын тікұшақты ұсынды. Дөнгелек үстел барысында білім мәселесі де сырт қалмады. Бұл тақырыпта С.Ж.Асфендиаров ат.ҚазҰМУ студенті Қалдыбай Жұлдызай «ҚР білім жүйесіндегі мәселелер»атты баяндамасында пайымдады. «Денсаулық сақтаудағы және фармациядағы экономика» модулінің оқытушысы Әбіш Ержан 3 бөлім бойынша өз пікірін айтып, ой қортындылады.

Дөңгелек үстел соңында ресми бөлім, бейресми бөлімге ауысып фуршетпен жалғасты.

 

Шарапиева Үміт «Жалпы медицина» мамандығының 1 курс студенті

Күзгі бал кешінен үзінді

Университетімізде 24.10.2013 күні Күзгі бал кеші өтті . Кешке «Денсаулық сақтаумен фармациядағы экономика» модулінің оқытушылары Каликов М.А.,        Абишев Е.Ж., Макашева Н.О. қатысты. Кеште лотелотереялар ойнатылып, сыйлықтар берілді.  Хан мен Ханшайым таңдалды. Қызықты  би кеші болды. Кеш естен кетпестей әсер қалдырды. Ұйымдастырушыларға көптен көп рахмет!!!

3

5

1 2

БАҚ жауапты:                                                  Жартаева А.Ж.

«Менің елім-менің болашағым»

«Арыстандай айбарлы батырлардың бары игі»,-деп дана халқымыз батыр ұлдарына үкілі үміттерін артқан. Тарихқа көз жіберер болсақ ,бабаларымыз  соғыс болсын , көтеріліс болсын жұдырықтай  жүректерімен жау оғына кеудесін төсеп, мұз жастанып,  «бейбітшілік» атты ұранды алға тастап, етігімен су кешіп жүріп күресті .  Көңілге қаяу саларлық нәрсе кей сужүрек, өзінен гөрі қалтасына сенген бауырларымыз жандарын қалқалап, бүркеніп қалуға тырысты. Оған жауап ретінде жүректерін патриоттық сезім кернеген аяулы аруларымыз жандарын шүберекке түйіп, қолдарына кесте орнына қару алып, ерлермен тізе қоса  окопта шайқасты. Әрине мұнда шығыстың қос шынары Мәншүк Мәметовамен, Әлия Молдағұлованың  ерен ерліктері  еске түседі.

      «Денсаулық сақтаудағы және фармациядағы  менеджмент »деканаты мен «Денсаулық сақтаудағы экономика» модулінің басшылығымен  ұйымдастырылған  8-қазан күні   «Менің елім –менің болашағым» атты  Кеңес Одағының батыры, қазақтың қаһарман қызы, адалдық атты сезімді жанының жалауы  еткен  қайсар пулеметші  Мәншүк Мәметованы еске алу кеші өтті. Кеш соғыс құрбандарын бір минут үнсіздікпен еске  алудан басталды. Батырларымыздың ізін  жалғаушы  студенттеріміз  арнау өлеңдерін  оқыды, баяндама жасалды, ән де айтылды, монолог оқылды.Кешті жүргізуді Мулаташев Шерзат пен Мухаметкаримова Гаухар қолға алды.Әбілбай Ұлпан мен Ташкенбаева Динара жүректен шыққан жалынды өлеңдерін оқыса, Балқан Ақылбек «Катюша» әнімен тербетті. Сәдуақас Айдана мен Тасилова Нұргүл қос жұлдыздың өмірі жайлы баяндама жасады.Рахмет Ермек пен Сақпаев Нұрбек қазақтың киелі домбырасымен күй шертті.  Кешіміздің  тұздығы  ретінде  «Мәншүктің соңғы демі»  атты қойылым көрсетілді. Көріністен  біз көзімізге жас ала отырып,  Мәншүкті қайта көргендей болдық.Бұл көріністе Сатыбалды Жадыра, Жантаев Әділжан, Саджиков Айбек,Төлегенова Аида т.б. өз өнерлерін көрсетті. Соғыстың  ащы кермек  дәмін  татқан,  оқ пен оттың ортасында  жүріп, «Арым  жанымның  садағасы  » деген Бауыржан Момышұлының сөзін  жадында  ұстаған  Мәншүктің  қарбаласқа толы, қыршынынан қиылған ғұмыры қазіргі өсіп  келе  жатқан  ұрпақтарымыз үшін, патриот жас қауым  үшін мәңге өнеге болмақ. Оның қамшының сабындай қысқа ғұмырының екі жарым жылы қан майданда от кешумен өтті. Ақтық демі біткенше пулуметпен оқ боратып, қаһармандықпен қаза тапты. Бірақ, бұл жалын боп лаулап, құйрықты жұлдыздай жарқырап өткен, кейінгі сіңлілеріне мұра болып қалмақ.  Ару Мәншүк, қаһарман Мәншүк бізге «Отаным, елім» деп соққан жүрегін мирас етті. Бұл кеште көрер көз аз болса да, алар тәлімі, берер тәрбиесі, рухани атмосферасы  мол болды.

                         Арман еткен тәуелсіздік жетті бүгін

                         Маңдайға сыймай кеткен қос жұлдызым:

                         Әлия-Мәншүк ерлігін қайталайтын,

                         Бар ма екен бүгін де қазақ қызы?!

 Олай болса, от жүректі, көзі ашық, көкірегі ояу, еліміздің болашағы-жалынды жастар, жанын пида еткен бабаларымыздың аманаттап, мирас етіп қалдырған елін, жерін шұбарламай аман қалпында келесі ұрпақтарға табыстайық. Күніміз шуақты, халқымыз қуатты болып, көк туымыз көк аспанда мәңгілік қалықтасын!

                                                  Жалпы Медициндицина факультетінің 1-   курс                                                     студенті Әбілбай Ұлпан

Поисковые слова::

Денсаулық сақтаудағы экономика кафедрасы

«Денсаулық сақтаудағы экономика» кафедрасы «Қазақстан тарихы, мәдениеттану және экономикалық теория» кафедрасының негізінде ұйымдастырылып, 2007 жылдан бастап «Денсаулық сақтаудағы және фармациядағы менеджмент» факультетінің дербес кафедрасы ретінде жұмыс атқарып келеді. Кафедраның алғашқы жетекшісі экономика ғылымдарының кандидаты, доцент Алшынбай Айнур Мұхтарқызы болып табылады. Кафедраның профессорлық- оқытушылық құрамында 1 экономикалық ғылым докторы, 3 экономикалық ғылым канидидаты, 3 аға оқытушы және 5 оқытушыдан құралған. Кафедра құрамының көптеген жас қызметкерлері кәсіби деңгейін арттыру мақсатында магистратурада білімін жетілдіріп, магистрлік диссертация жазуда. 2009 жылдан бастап, жоғары білікті маман, 10 жыл бойы оқытушылық қызметпен айналысқан, экономика ғылымдарының кандидаты, доцент Садыров Ғани Ауесханович кафедраның меңгерушісінің міндетін атқаруда.

Кафедра Қазақстан Республикасының денсаулық сақтау саласына бакалаврлар мен магистрлер дайындауға өз үлесін қосуда. Еңбек нарығының сұранысын есепке ала отырып, кафедрада алғашқы білімі бар мамандар үшін екінші мамандық алуға және орташа арнайы білім негізінде оқуды жалғастыруға мүмкіндік береді.

Студенттер экономикалық теорияны, макро- және микро-экономиканы, кәсіпорын экономикасын, денсаулық сақтаудағы экономиканы, статистика, эконометрика, қаржы, бухгалтерлік есеп және аудит, экономиканы мемлекеттік реттеу, қаржы нарығы және делдалдары, нарықтық экономика негіздері және денсаулық сақтауды қаржылық талдау пәндерін оқуда.

2009 жылдан бастап «Менеджмент» мамандықтарының оқытылу курсына элективтік пәндер қосылды, олар: денсаулық сақтаудағы шағын және орта бизнес, баға белгілеу, халықаралық экономика және өзге де арнайы пәндер.

 

Поисковые слова::